Преговорите меѓу Ред Бул и Порше за влез на Германците во Формула 1 пропаднаа, објави германскиот сајт F1-insider, повикувајќи се на извори блиски до двете страни.
Уште пред март, бордот на директори на автомобилскиот гигант Volkswagen Group одобри учество на два од брендовите на групацијата (Ауди и Порше) во Формула 1. Ред Бул не негираа дека преговараат со Порше, но секој пат прецизираа дека се уште не постигнале договор. Меѓутоа, сега е многу поверојатно дека воопшто и нема да се постигне таков договор.
Се испостави дека Ред Бул и Порше не се согласуваат за голем број прашања. Порше требаше да купи 50% од Ред Бул Технолоџис, компанија која ги произведува Формула 1 болидите на Ред Бул. Но сега Ред Бул сака да задржи повеќе од 50% од акциите и, во пракса, Порше да биде малцински акционер.
Исто така, Ред Бул сака да има право на вето на секоја одлука донесена во компанијата, а Порше сака самите тие да ја одредат стратегијата за развој на компанијата. Како таква, истата вклучува и избор на луѓе кои ќе го раководат тимот.
Според непотврдени гласини, Порше решиле да се насочат кон Мекларен, каде што Ауди веќе има неуспешен обид за купување на тимот.
