Јанис Адетокумбо ја предводеше Грција до четвртата победа во низа на Европското првенство. НБА-ѕвездата беше неверојатен, испорача 41 коша во убедливата победа над Украина од 99-79. Зад своето име Адетокумбо додаде и осум скока, Калатес имаше 14 поени.
Грција на одморот имаше негатива од 39-45, по што одигра без милост во третата четвртина. Постигна 32 поени, а прими 11, па на стартот на последните десет минути влезе со водство од 71-57, доволно за мирен финиш.
По оваа средба Грција треба да ја заврши групата Ц како лидер, бидејќи е единствена без пораз, а во следното последно коло игра против Естонија.
Литванија го искористи подарокот од Франција и дојде до првата победа на Европското првенство откако ја совлада Унгарија со 64-87. Со овој триумф остана во игра за едно од местата во групата Б, кои водат во Топ 16 фазата, а за истото ќе војува против Босна.
Валанчиунас со 21 поен и осум скока беше лидер, зад него беше Сабонис со 19 поени и 8 скока.
