Хрватска, во меч од 5.коло во групата Ц, попладнево во Милано успеа да ја победи Украина со 90:85.
Јасно беше и пред овој меч дека и двете селекции се во осминафиналето, но само прашање беше на кое место ќе ја завршат групата. Важно е за Хрватска дека со оваа победа најверојатно ќе ја избегне директната пресметка со Србија.
Инаку на овој меч се водеше рамноправна битка, но Хрватска во последната четвртина одигра одлично, ги искористи сите слабости на Украинците и забележа триумф.
Богдановиќ постигна 27 поени кај Хрватска, додека кај Герун за Украина постигна 21 поен.
Во вториот меч во овој попладневен термин, Финска немаше никакви проблеми со Холандија и победи со 88:67. Ова беше меч од групата Д, а на кое место ќе завршат Финците ќе зависи од останатите мечеви од ова последно коло. Важно за нив е што се пласираа во осминафиналето и дефинитивно. Додека Холандија заврши како последна во групата.
