Фудбалерите на Словачко и Партизан го одиграа еден од двата најинтересни попладневни дуели на стартот од групната фаза во Конференциската лига на УЕФА. Белграѓани по првото полувреме беа во негатива од 2:0 на гостувањето во чешка, а згора на тоа останаа и со играч помалку по исклучувањето на Белиќ во 22. минута.
Сепак, на стартот на вториот дел Партизан постигна три гола во серија (два на Диабате и еден на Гомес) со кој направи целосен пресврт за 3:2 и тоа со играч помалку. Честа на домашните ја спаси Козак кој во 83. минута ги постави конечните 3:3.
Меч со седум погодоци се одигра во Шпанија, каде Виљареал на крајот со 4:3 ја оствари првата победа во групата, совладувајќи го полски Лех. „Кикс“ на стартот од групната фаза направи Фиорентина која не успеа на домашен терен да слави над летонски РФС играјќи нерешено 1:1.
СЛОВАЧКО – ПАРТИЗАН 3:3 (ГОЛОВИ)
КОНФЕРЕНЦИСКА ЛИГА
ГРУПА – А
Фиорентина – РФС 1:1
Хартс – Истанбул Б. 0:4
ГРУПА – Б
Андерлехт – Силкеборг 1:0
ГРУПА – Ц
Австрија (В) – Хапоел 0:0
Виљареал – Лех 4:3
ГРУПА – Д
Словачко – Партизан 3:3
Ница – Келн
ГРУПА – Г
Балкани – Клуж 1:1