Ига Швјонтек е победник на УС Опен. Таа во финалето на УС Опен победи против тунижанката Онс Џабер со 6:2, 7:6(5) и на тој начин по нешто помалку од два часа од мечот ја освои третата Грен слем титула во нејзината кариера. Пред УС Опен таа беше победник на Ролан Гарос во 2020 година и оваа година. Џабер, пак, го одигра вториот последователен финален меч на Грен слем турнирите, но повторно загуби, исто како неодамна на Вимблдон.
How it sounded when @iga_swiatek became a #USOpen champion. 📻 pic.twitter.com/iITAiBr7U4
— US Open Tennis (@usopen) September 10, 2022
Џабер, петтата носителка, влезе во мечот нервозна, а Швојнтек, најдобрата тенисерка на денешницата, ништо не прости и со жестоки напади многу лесно ја разби противничката во првиот сет за 6:2. Сепак, и на крајот од првиот дел можеше да се очекува Џабер ќе се разбуди.
Таа одигра многу подобро во вториот сет иако постојано заостануваше. Потоа дојде напната завршница на вториот сет во кој Џабер спаси една меч топка кога сервираше за 5:6 за да остане во мечот.
Се извлече од таа ситуација, а во тај-брејкот Швојнтек поведе со 4:2. Тунижанката одговори со три поени во низа, а на 5:4 сервираше неодбранливо за 6:4. Сепак, топката го допре врвот на мрежата, поради што Џабер го повтори сервисот, го загуби, а потоа и следните два поени за крај на мечот и славје на полската тенисерка.
