Тимот на Реал Мадрид размислува наскоро да му понуди нов договор на тренерот Карло Анчелоти за продолжување на соработката. Актуелниот договор на Италијанецот е до летото 2024 година, а тој изјави дека има намера да се пензионира по неговото истекување. Сепак, менаџментот на Реал ќе се обиде да го убеди да остане подолго на „Сантијаго Бернабеу“.
Анчелоти има 63. години во моментов, и ова му е во втора сезона во Реал. Тој се врати во клубот минатото лето и во својата прва сезона на чело го предводеше тимот до триумф во Ла Лига, Лигата на шампионите, Суперкупот на Шпанија и Суперкупот на Европа.
