По малку сензационално, но апсолутно заслужено. Кога не е тука Новак, Роџер уште помалку, а Рафа преморен, тогаш јасно е дека некои други момци ќе бијат битка во финалето на УС Опен во Њујорк.
Вечерва од 22 часот на „Артур Еш“ стадионот пред најмалку 20.000 тениски фанови, се игра финалето во кое се среќаваат Каспер Руд од Норвешка и шпанската сензација Карлос Алкараз.
И двајцата досега ја немаат осетено сласта на победата на еден Гренслем турнир, и двајцата ја посакуваат таа прва победа.
Можеби Алкараз со својата младост, мега-талент и желба за успех, е фаворит на хартија, но зарем некој може Норвежанецот така лесно да го отпише.
Во секој случај тоа ќе биде големо тениско финале, финале за уживање.
Навикнавме да ги гледаме Новак, Рафа и Роџер на вакви мечеви, но сега е време за некои други момци, момци кои полека, но сигурно ќе го преземат приматот во светот на тенисот.
Интересно, кој ќе победи, кој ќе го освои УС Опен, од утре ќе биде бр.1 на АТП листата.
