По Србија уште еден голем фаворит за златото предвреме гоз аврши Евробаскетот. Селекцијата на Грција вечерва во второто четвртфинале во Берлин беше прегазена од домашната Германија (107-96), која на крилата на Денис Шрудер успеа да го запре Јанис Адетокумбо и неговите момци и да ја однесе Германија меѓу четирите најдобри европски селекции за првпат по пауза од 17 години.
Шрудер и овие момци од селекцијата на Германија во многу нешта потсетуваат на шампионската генерација од 1993 година, која ја направи Германија за првпат и единствен досега, европски шампион. Вечерва покрај Шрудер кој заврши со 26 поени, одлично издание имаа и Вагнер и Обст кои средбата ја завршија со по 19 реализации.
И покрај 31постигнат поен, Адетукумбо не успеа да ја понесе Грција кон полуфиналето. Германија на патот го големото финале за противник ќе ја има Шпанија.
