Репрезентацијата на Шпанија се пласира во полуфиналето на Евробаскетот по победата над Финска 100:90. Финците до сега беа хит на шампионатот, а против Шпанија демонстрираа сила во првата четвртина која ја добија со 30:19, а го имаа резулатот во своја корист и на полувремето 52:43. Потоа тргнаа низ брдо.
Во третата четвртина Шпанците се разбудија и ја почнаа својата мисија да запрат уште едно чудо на Финците. Во овој период шпанските кошаркари постигнаа 30 поени, додека Финците само 15 и тука фаворитот се врати во игра за полуфинале.
Марканен, Валтонен, Јантунен и другарите не можеа да го следат ритамот на Шпанците и мораа да се помират со пораз.
Кај Шпанците најдобар на паркетот беше Вили Хернангомез со 25 поени, а Хуан Хернангомез постигна 15 додека Бризуела 14 поени. Кај Финците се истакна Лаури Марканен со 28 поени, Јантунен го заврши мечот со 18 поени.
Во полуфиналето Шпанија го чека подобриот од дуелот Грција – Германија.
