Каков шокантен, каков трилер четвртфинален меч во Берлин меѓу Италија и Франција на ЕВРО 2022, кој го добија “триколорите“ со 93:85 и со тоа се пласираа во полуфиналето. Додека Италија остана со солзи, посебно ако се знае дека на 16 секунди пред крајот имаа +2 поени и две слободени фрлања. Фонтекио и двете ги промаши, Франција погоди за два и се замина во продолженија. Таму Гобер и другарите знаеја како треба и одново се извлекоа, среќно и спретно, исто како против Турција.
Инаку Франција многу подобро го отвори мечот, имаше водство од седум поени во првиот период. Италија одигра фантастична трета четвртина, исто како и против Србија, но ете, во самиот финиш четата на селекторот Џанмарко Поцеко немаше среќа и знаење како да ја дотолчи Франција.
Најдобар поентер на мечот беше Фонтекио со 21 поени, додека кај Франција тоа беше Хуртел со 20 поени.