Италијанскиот селектор Џанмарко Поцеко им даде кредитна картичка на своите играчи откако во луд натпревар ја победија Србија во осминафиналето на Евробаскетот и не му беше грижа колку потрошија за храна, пијалок и музика.
По големиот триумф над Грција, германскиот селектор, Гордон Херберт, потенцира дека нема да го стори истото како својот колега од Италија, иако екс-соиграч на Перо Антиќ од Атланта, Денис Шрудер ја побарал неговата кредитна картичка.
Херберт по натпреварот беше прашан од новинарите дали ќе се напие чаша вино по триумфот во кариерата против Грција (107:96) како награда за добар резултат, на што воздивна и објасни дека сигурно нема да слави.
„Знам само дека нема да им дадам кредитна картичка на моите играчи. Претпочитам ладно пиво наместо чаша вино. Шрудер ме праша за кредитна картичка, јас само му кажав дека сум бил разведен три пати, нема да ви се допадне лимитот“, се насмеа тој.
Во битката за полуфинале, Германија ќе игра против Шпанија.
Gianmarco Pozzecco gave his players his credit card after Italy’s win over Serbia.
Gordon Herbert ain’t going there.
“I’m not giving my credit card to the players
Dennis [Schroder] wanted my credit card, I said ‘I’ve been divorced 3 times, you’re not going to like the limit” pic.twitter.com/ivhsZqvuhN
— Antonis Stroggylakis (@AStroggylakis) September 13, 2022
