Само што влезе во натпреварот против Лајпциг, Лука Модриќ испиша историја повторувајќи го достигнувањето на легендарниот Ференц Пушкаш. Капитенот на хрватската репрезентација во 2. коло од групата Ф на Лигата на шампионите стана првиот играч на Реал Мадрид по Ференц Пушкаш во 1965 година кој по својот 37. роденден заиграл за клубот во Купот на шампионите/Лигата на шампионите. Голманите не се вклучени во оваа статистика.
Модриќ на 9 септември го прослави својот 37 роденден и иако е во доцните играчки години, сепак е стартер во мадридски тим.
Само еден играч, кој не бил голман, бил постар во дресот на Реал во Купот на шампионите, односно денешната Лига на шампиони, од Модриќ, тврдат веб-страниците специјализирани за статистика. Тоа беше Пушкаш на возраст од 38 години и 229 дена, на натпреварот помеѓу Реал и Килмарнок во ноември 1965 година. Модриќ против Лајпциг играше до 81. минута, кога го напушти стадионот на овации, а Реал победи со 2:0.
