И дефинитивно, она што “Спортмедиа“ го најави вчера, Бобан Николов е ново име во Стеауа или по ново ФЦСБ. Оваа инфомација денеска за медиумите во Романија ја потврди и Џиџи Бекали, големиот газда на најпознатиот клуб во Романија.
“Да, можам да потврдам дека Николов е наш фудбалер. Го договорив на една година, но може да остане и повеќе. Главниот виновник за овој трансфер е Флорин Настасе. Едноставно го прашав што фудбалер е Николов, а тој ми рече дека ќе биде големо, супер засилување. Не се сомневам во неговите зборови“ посочи покрај другото Бекали.
