Сара Ристовска продолжува со одличните настапи во дресот на рускиот гигант ЦСКА Москва. Па така денеска во меч од 2.коло во шампионатот на Русија, нашата ракометарка одигра навистина одлично и успеа во првиот дел, кога и играше, да постигне шест голови од исто толку обиди и да биде една од најзаслужните на победата на нејзината екипа против Динамо Синара со 33:21.
Инаку како што веќе напоменавме, Македонката играше само во првиот дел, со оглед на резултатот немаше ни потреба да влегува во продолжение од средбата.
