Ништо ново што се однесува до Горица во шампионатот во ХНЛ, тим кој што е предводен од Игор Ангеловски, екс – селекторот на нашата А-репрезентација. Ангеловски денеска на свој терен со својата Горица е поразен од Осијек со 0:1, па така го забележа третиот пораз во третиот натпревар како стратег на хрватскиот тим во елитната лига.
По Вараждин и Динамо Загреб, денеска и Осијек го “расплакаа“ Ангеловски, со што неговиот тим и натаму е при самото дно на табелата и е тим кој што важи за најголем кандидат за испаѓање.
