Репрезентацијата на Македонија пред двата клучни мечеви од Лигата на Нациите против Грузија на гости односно Бугарија на домашен терен останува без капитенот Стефан Ристовски.
Тој има повреда на петата и има сериозни болки во моментов. Повредата не е воопшто наивна, и тој за да може да настапи на мечевите против Милан односно Челзи бил подложен на третмани.
Сепак, сега тоа едноставно доаѓа на наплата и Ристовски мора да паузира, а сгора на тоа и да ја залечи повредата.
Со ова нашата репрезентација дефинитивно има проблем, затоа што Ристовски се знае дека е незаменлив по таа негова десна страна. По откажувањето на Дарко Чурлинов, Ваљон Етеми, еве сега и Ристовски е во „аут“.
Дали ќе има дополнителни повици од страна на селекторот Благоја Милевски кој официјалната прозивка ја има утре во 12:00 часот во хотелот Хилтон ќе дознаеме во текот на утрешниот ден.
