Победата над Вест Хем е исклучително важна за тимот на Евертон викендов. Ова го изјави менаџерот Френк Лампард откако неговиот тим победи со минимални 1:0 за својата прва победа сезонава. Нил Маупе го постигна единствениот гол и со тоа „Карамелите“ се искачија на 13. место со седум бода од седум меча.
„Се наоѓаме во таква ситуација што оваа победа е исклучително важна за нас. Се надевам дека после неа работите постепено ќе се подобруваат, но да, оваа победа беше навистина голема“, изјави Лампард во интервјуто по мечот.
Сега за Евертон следи уште еден меч на кој мора да се освојат бодови, а тоа е оној против Саутемптон, а потоа следи дуелот со Манчестер Јунајтед.
