Селекторот на Италија Роберто Манчини го повика Маноло Габијадини да го замени повредениот Матео Политано во репрезентацијата. Со тоа Габијадини се враќа во националниот тим после ноември 2017 година.
Италија е лимитирана во нападот поради отсуство на Инсиње, Киеза, Берарди, Пелегрини и Политано, па затоа Манчини го повика фудбалерот на Сампдорија како и талентираниот играч на Интер Себастијано Еспосито.
Инаку 30-годишниот Габијадини не е дел од италијанската репрезентација од ноември 2017 година кога Џанпјеро Гасперини го стави во првиот тим во катастрофалниот плеј-оф за СП против Шведска на „Сан Сиро“.
По пет години, поранешниот напаѓач на Саутемптон го облекува дресот на „Аѕурите“, со надеж дека ќе добие минутажа на мечевите со Англија и Унгарија во Лигата на нациите.
Инаку од дебито во 2012 година, Габијадини одигра 11 натпревари со голови против Романија и Лихтенштајн.
