Малку нервозни, но со верба во себе и амбиција да покажат што знаат, нашите репрезентативци вечерва го одработија тренингот на Арената во Тбилиси и тоа во пресрет на утрешниот меч против домашната Грузија од Лигата на Нации. Меч кој ќе се игра пред 55.000 гледачи, барем такви се најавите.
Ова е меч од 5.коло во нашата група во Лигата на Нации. Ослабени, но подмладени сите во нашиот табор се свесни што ги очекува утре.
Сепак Македонија знаела кога е најтешко да одигра најдобро и да потврди квалитетот што го поседува.
Утре мечот започнува во 18 часот по македонско време, а нам ни треба победа, по можност со што поголема разлика.
