СПОРТМЕДИА во Тбилиси,
Огнен Дојчиновски
Ако немавме доволно проблеми пред вечерашниот дуел од Лигата на Нациите во Тбилиси против домаќинот Грузија, кој е лидер на нашата група, се случи нешто дополнително и неочекувано.
Александар Трајковски веќе трет ден е со температура и за жал не се знае дали ќе може да настапи. Ако до пред ден, два, за оваа ситуација се веруваше дека е само негова реакција на промена на временска зона, авионски летови, аклиматизација и слично сега тоа повеќе не е така.
Да биде ситуацијата уште полоша, на вчерашниот тренинг мала повреда доживеа и Дарко Велковски кој исто така е незивесен за вечерашниот дуел. Доколку стоперот не може, тука би требало да влезе во првиот состав Никола Серафимов.
