МАКЕДОНИЈА – БУГАРИЈА 0-1
Лига на нации
Скопје, стадион: „Тодор Проески“
КРАЈ НА МЕЧОТ. Македонија изгуби од Бугарија со 0:1 и заврши на третото место во групата. Бугарите се втори, а Грузија прва. Последен е Гибралтар.
90 минута – Супер шанса за Дориев кој од десната страна не успеа да ја пласира топката во мрежата на Наумов.
81 минута – Повторно Алиоски во шанса, а неговиот шут заврши покрај голот.
64 минута – Нова шанса за Македонија. Центаршут по десната страна, Галабов ја исфрли топката во корнер пред Ашковски.
62 минута – Шанса за Македонија! Алиоски шутира, Бугарите спасуваат од гол линијата. Антов со глава не дозволи топката да влезе во голот.
61 минута – Алиоски во трк шутира, но топката мина покрај голот на Бугарите.
60 минута – Двојна измена во македонскиот тим. Ристовски и Миовски излегуваат во игра се Дориев и Спировски.
58 минута – Голема шанса за Бугарија по корнер. Недијалков упати удар со глава, Димитриевски веќе беше совладан, но Бејтулаи спаси од гол линијата.
50 минута – ГОЛ ЗА БУГАРИЈА! Бугарите во контра напад, Кирилов го пронајде Кирил Десподов на 16-тина метри, овој ја смири топката на гради и го матира Димитриевски.
45 минута – КРАЈ НА ПРВОТО ПОЛУВРЕМЕ. Со по една шанса на двете страни, а со многу надмудрување на средината на теренот. Нашата селекција ќе мора добро да се измачи за да ги пробие Бугарите со оглед на тоа дека има играч помалку.
42 минута – Бејтулаи се обиде со глава по корнерот од десната страна. Лош и непрецизен удар а позицијата добра.
27 минута – Десподов во шанса, но Димитриевски ја следеше акцијата и одбрани
25 минута – Милан Ристовски шутира од 22 метри, но голманот Наумов ја избива топката во корнер.
22 минута – измена во македонската репрезентација. Александар Трајковски излегува, а влегува Стефан Ашковски.
14 минута – Македонија на мака! Црвен картон за Тодоровски. Нашиот фудбалер во желба да освои топка неспретно го закачи Петков со ногата, а судијата оцени дека има елементи за директен црвен картон.
Стартни состави: Ќе ги напаѓаме Бугарите со Трајковски, Миовски, М.Ристовски, Елмас…
