По се она што се случуваше синоќа на Арената во Скопје, пред мечот Македонија – Бугарија и за време на истиот, се јави со реакција и нашето Министерство за надворешни работи.
Во соопштението се вели дека осудуваат свирежите на химната на Бугарија и дека се осудува говорот на омраза.
Реакцијата на МНР ви ја пренесуваме во целост:
„Министерството за надворешни работи упатува јавна реакција и осуда за вчерашниот израз на говорот на омраза што можеше да забележи во текот на фудбалскиот натпревар меѓу репрезентациите на Северна Македонија и Бугарија.
Спортските настани претставуваат највисокиот израз на принципите на фер однос, меѓусебна почит и натпревар во спортски дух. Злоупотребата на овие настани за ширење на омраза и нетрпеливост претставуваат суштинска спротивност на нивната основна замисла.
Северна Македонија и Бугарија и во иднина ќе продолжат активно да работат на унапредување на меѓусебните односи, како земји сојузнички во НАТО, идни партнери во Европската Унија, и пред сѐ, добри соседи“ се вели во соопштението или реакцијата.
