Кристијано Роналдо имаше понуда од Саудиска Арабија, но истата не се реализира. Претседателот на клубот откри зошто и покрај огромната сума на пари, се шпекулира дека му понудиле 242 милиони евра за двегодишен договор, трансферот не се оствари. На крајот остана во Манчестер Јунајтед.
Првиот човек на Ал Хилал, Фахад бен Нафел изјави дека е точно дека преговорите се воделе и дека трансферот можел да се реализира. Тој нагласи дека „не се проблемот парите“, но дека некои други фактори на крајот влијаеле да не ја промени средината. И тие беа многу заинтересирани за тоа.
„Да, преговаравме со Роналдо. Проблемот не беше во парите или во принципот, бидејќи ние сме клуб кој е способен да ги донесе најголемите светски ѕвезди. Сепак, одлуката на Арбитражниот суд не спречи да ги регистрираме играчите. Ние ги продолживме преговорите и покрај таа казна, но го одложивме влегувањето во финалната фаза од преговорите, бидејќи чекавме да им биде укината казната“, изјави Нафел.
Португалецот во текот на летото направи се за да го напушти клубот, неговиот агент Мендеш го понуди на многу европски гиганти, но никој не беше заинтересиран. Тој остана во Јунајтед, иако под водство на Ерик тен Хаг не добива голема минутажа и најмногу влегува од клупата. За тоа време со репрезентацијата го чека стартот на Светското првенство во Катар, а доколку не се промени ситуацијата во клубот, неговото име често ќе се споменува во трансфер во зимскиот преоден рок.
