На два месеци пред почетокот на Светското првенство во Катар „Google“ случајно ги шокираше своите посетители објавувајќи ги имињата на двете репрезентации кои ќе играат во големото финале.
„Ако нешто не е на Гугл, тогаш не постои“, обично велат за најпопуларниот пребарувач на интернет. Дали ова ќе биде случај и за претстојното Светско првенство во Катар? Ќе дознаеме во повеќе од два месеци, но денеска „Google“ привремено ни „откри“ кој ќе се натпреварува во големото финале.
На „Google“ излезе информација дека на 18 декември на стадионот „Лусаил“ ќе се одигра натпревар меѓу Франција и Бразил.
Од најпопуларниот пребарувач на интернет ја сфатија својата грешка и брзо ја поправија, но веќе беше доцна, бидејќи беше направи скриншот.
💭 Busquen “estadio Lusail eventos” en Google y miren el calendario.
Sí, el 18 diciembre, día de la final de Qatar 2022, ya sale con dos selecciones: Brasil-Francia.
Increíble. 😳 pic.twitter.com/TBfOnEHLTc
— Ataque Futbolero (@AtaqueFutbolero) September 25, 2022
Французите во Катар ќе пристигнат како актуелни светски шампиони. Во групната фаза на турнирот ги очекуваат Данска, Австралија и Тунис. Бразил ќе игра против Србија, Швајцарија и Камерун.
Нема дилема дека и двете репрезентации имаат толку многу талентирани и големи играчи што би можеле да се сретнат во финалето на Светското првенство. Но, кога станува збор за толку голем турнир како Светското првенство, невозможно е да се одредат фаворити и да се претпостави било што.
