Координаторот на судиите Џанлука Роки и претседателот на Судиската комисија Алфредо Тренталанже им возвратија на тренерите на Лацио Маурицио Сари и на Рома Жозе Мурињо после критиките упатени кон нив. Сари жестоко удри по судијата по поразот од Наполи.
„Или судиите на теренот и оние во ВАР собата се лоши во својата работа или постои друга позагрижувачка алтернатива. Судијата од самиот почеток решија да нè осудат. Ова се последиците“, изјави Сари за Sky Sport Italia.
ЏанлукаРоки се согласи дека она што го предложи Сари е надвор од вообичаените навредливи изјави за официјални лица.
„Тоа беше една од работите што најмногу болеше, можам да прифатам некој да каже дека сме лоши во нашата работа, но она со алтернативата ме повреди… Искрено… тренерот претера. Го познавам Сари, тој е тосканец како мене, но таква фраза може да го доведе целиот фудбалски систем во криза“, вели екс-судијата.
Роки беше подарежлив кон Мурињо на клупата на Рома по поразот од Удинезе со 4-0.
„Тој е многу интелигентен. Нема да кажам точно дека се обидуваше да го одвлече вниманието од нивниот настап, но тоа беше нешто во таа линија. Само барам тренерите да разберат дека кога тие се изразуваат на тој начин пред судијата, тие само создаваат уште поголема тензија“.
