Тимот на Галатасарај е заинтересиран за дефанзивецот на Манчестер Јунајтед, Виктор Линделоф. Во него турскиот гигант гледа опција да го замени својот капитен Виктор Нелсон, пренесуваат турските медиуми денеска.
Швеѓанецот кој во моментов има 28.години, не е првиот избор на Ерик тен Хаг и се чини дека нема да добие голема минутажа оваа сезона. Токму поради тоа Галатасарај планира да ја искористи ситуацијата и да се обиде да го земе играчот на позајмица до крајот на сезоната.
Сепак, турскиот гигант може да има и конкуренција за Линделоф во тимот на Рома. Жозе Мурињо добро ги знае квалитетите на дефанзивецот и сака повторно да соработува со него на Олимпико. Договорот на Швеѓанецот со Јунајтед е до 2024 година.
