Пред една година, по две фантастични сезони во Интер, Лукаку реши да се врати во Челзи, кој го купи за 120 милиони евра, но Белгиецот не ги оправда очекувањата.
Во последната сезона тоа не беше ниту сенка на играчот на Интер, па беше јасно дека Лукаку едноставно не се вклопува во играта на лондонскиот клуб. Затоа реши на крајот на сезоната да се врати во Интер и за негова среќа Челзи се согласи на позајмица. Лукаку летово повторно потпиша за Интер, но беше јасно дека не беше баш во формата во која беше кога си замина.
Сите веднаш видоа дека Лукаку има проблеми со вишокот килограми, како што беше случајот кога дојде од Манчестер Јунајтед во летото 2019 година.
Сепак, кондиционите тренери во Интер и овојпат одлично се снајдоа бидејќи успеаја да го вратат Лукаку на тежината која ја имаше пред да си замине.
Кога Лукаку се врати во Интер имаше преку 100 килограми, а според италијанските медиуми сега има 94 килограми и изгледа многу подобро.
Тоа најдобро се виде на фотографиите кои беа објавени пред неколку дена кога Лукаку позираше во боксерите на Келвин Клајн, а оваа промотивна кампања ја дочека во одлична физичка форма.
Познато е дека Лукаку се опоравува од повредата веќе неколку недели, но се очекува многу брзо Белгиецот да се врати на терените и да биде во конкуренција за игра до викендот.
Овој 29-годишен напаѓач од враќањето во Интер успеа да одигра три натпревари во Серија А, постигнувајќи еден гол и забележан една асистенција.
