Со само мали турбуленции во вториот дел, Барселона на крајот убедливо го порази Целје со 38:30 во меч од 3. коло во Лигата на шампионите. Вечерва на домашен терен Каталонците ја запишаа третата победа во серија и ја задржаа првата позиција во групата „Б“.
Целје кој во минатото коло приреди сензација со победата над Кил, вечерва во второто полувреме дури и успеа да дојде до предност на гостувањето кај Барса (24:25), но Каталонците брзо се созедоа и го вратија мечот во своја полза.
Одлично издание имаше Дика Мем кој средбата ја заврши со 10 гола кај домашните, додека кај Целје, Влах постигна 7 гола.
Во вториот вечерен дуел Нант без проблеми славеше над Елверум со 41:30. Ова беше втора победа за Французите и тоа во низа, откако во минатото коло беа подобри и од Пик Сегед.
Мине запиша 7 гола за Нант, додека кај гостите 8 имаше Авард.
