Без поголеми проблеми, Новак Ѓоковиќ се пласираше во четвртфиналето на турнирот во Тел Авив.
Седмиот тенисер на светот по 16 години повторно заигра во Израел, а во второто коло едноставно го прегази Шпанецот Пабло Андухар со 6:0, 6:3 за 86 минути игра.
Тоа беше првиот натпревар на Новак на турнир, точно 81 ден по финалето на Вимблдон кога го победи Ник Кирјиос. Против Андухар покажа дека е расположен за игра и сака победи. Инаку, ова беше нивна прва средба по десет и пол години и Новак стигна до третата победа во исто толку натпревари против Андухар.
Во четвртфиналето Новак го очекува дуел со Канаѓанецот Васек Поспишил.
