Тренерот на Јувентус, Масимилијано Алегри и стратегот на Рома, Жозе Мурињо ги добиваат најголемите плати меѓу тренерите во италијанската Серија А, пишува весникот „Кориере дела Сера“.
Изданието ги објави нето платите на тренерите во Калчо лигата, а овие бројки во повеќето случаи се удвојуваат со цел да се разбере колку навистина стратезите вредат за нивните клубови.
Алегри и „Специјалниот“ заработуваат по 7 милиони евра нето годишно, а зад нив е тренерот на Интер, Симоне Инзаги, кој секоја сезона зема по 5,5 милиони евра.
Актуелниот шампион, тренерот на Милан, Стефано Пиоли заработува 4 милиони евра годишно, а Лучијано Спалети од Наполи 3,2 милиони евра.
Интересно, тренерот на најпријатното изненадување во Серија А, Андреа Сотил од Удинезе, заработува само 300.000 евра годишно.
