Откако вчера го освоија второто место на турнирот во Ботевград, кошаркарите на Пелистер добија ново засилување во пресрет на новата сезона. Станува збор за големо засилување од редовите на скопски ТФТ во името на Донован Доналдсон.
Доналдсон и ТФТ ја завршуваат соработката, а битолчени се подготвени да ја искористат оваа ситуација и да го ангажираат Американецот во своите редови.
Поранешниот кошаркар на Гостивар настапи за ТФТ на дуелот од Кошаркарската Лига на шампионите против Кемниц, како и во Суперкупот против МЗТ Скопје.
