МЗТ Скопје од денеска ги пушти во продажба сезонските билети за сите мечеви оваа сезона, вклучувајќи ги и оние од АБА-лига. Истите се движат од 2.000 до 2.500 денари.
„Би сакале да ги информирале сите наши навивачи, симпатизери, но и останатите кошаркарски вљубеници во државата дека денеска почнa продажбата на сезонските билети за сите домашни натпревари од сезоната 2022/23. Во следниот период ќe може да си обезбедите ваше посебно место во салата „Јане Сандански“, кое ќе ви биде загарантирано на најмалку 13 средби во АБА-лигата и 15-тина во домашното првенство.
Во продажба се пуштени места во делот од трибината А3 и А6 по цена од 2.500 денари, како и во Блок 6 и Блок 14 по цена од 2.000 денари. Сезонските билети може да се купат во сите продажни места на „МКТикетс“ во Скопје и низ државата, како и преку https://bit.ly/3rkAPve“, велат од МЗТ Скопје.
