Клуб од Обединетите Арапски Емирати сака да се приклучи во кошаркарската Евролига. Како што објавија повеќе медиуми, Емирите се сериозни во намерите да го донесат ова натпреварување во Дубаи, па во најпрво време ако може и само со организација на Ф4 турнирот.
Новиот претседател на елитното натпреварување Дејан Бодирога и сопствениците на клубовите би можеле во наредниот период да одржат состанок на оваа тема и да разговараат за евентуалното засилување со нов тим. Нивниот предлог опфаќа и организација на Ф4 турнирот од Евролигата во следните три сезони во Дубаи во сала со капацитет од 17.000 гледачи.
