Аргентинскиот напаѓач Гонзало Игуаин најави заминување во пензија по крајот на сезоната со Интер Мајами. Аргентинецот за два месеци ќе наполни 35 години, а оваа сезона одигра неколку добри натпревари за клубот од Флорида кој на два кола пред крајот се наоѓа во добра позиција за пласман во плеј-офот.
„Пипита“ играше за бројни клубови во Европа, со Наполи рушеше рекорди во Серија А, а потоа го засили Јувентус, па отиде во Милан, играше и за Челзи, па од таму замина во Мајами. За Аргентина одигра 75 натпревари и запиша 31 гол.
