Какво деби на клупата на Работнички за Милан Илиевски? Одлично, фантастично секако. Во својот прв меч како стратег на тимот да имаш тешко гостување во Штип, кај Брегалница, и на тој меч да победиш со 3:1 секако дека не е мала работа. Илиевски тренерски му се спротистави на својот некогаше учител Илчо Ѓорѓиоски, кога и двајцата беа во Македонија ЃП и Вардар, кога освојуваа титули, едниот како играч а вториот како тренер.
Илиевски без сомневање го надмудри својот некогашен учител, неговиот тим убедливо победи и затоа Милан Илиевски без конкуренција е тренер на 9.коло во ПМФЛ.
