Македонскиот кошаркарски репрезентативец Кристијан Николов тргна со победа во својот нов клуб во Турција, екипата на Коњаспор. Во премиерниот меч во турското првенство во новата сезона, Николов одигра близу 9 минути во дресот на Коњаспор, но не успеа да се запише во листата на стрелци. Зад неговото име останаа запишани 2 скока.
Коњаспор славеше вредна победа на гостувањето кај Бешикташ со 90:82, а Николов својата шанса за први поени во новиот клуб ќе ја чека во следното коло.
