Ливерпул кој минатата сезона освои два трофеи, играше финале во Лигата на шампионите и беше во конкуренција за титулата во Англија до последното коло, кошмарно ја започна новата сезона, со само две победи во седум првенствени натпревари и е на деветтото место на табелата со 10 бодови, цели 11 зад лидерот Арсенал.
Во вторникот во дуелот со Ренџерс во Лигата на шампионите, Клоп распореди четворица офанзивни играчи и тоа се исплатеше во победата од 2-0 над шкотскиот гигант. Така, Германецот ќе се надева дека ќе види повеќе од истото кога ќе гостува во Северен Лондон во недела.
„Многу е важно повторно да станеме непредвидливи, затоа ќе ни требаат различни системи на игра. Не сакаме да ја комплицираме ситуацијата, но мораме да го најдеме најпогодниот систем и за противникот со кој играме и за за нас самите. Другите тимови веќе научија како да играат против нас кога не сме најдобри. Нема систем на игра во светот кој нема свои слабости.Се зависи од тоа како настапуваме, што правиме и најмногу од сите веќе со каков интензитет“, објасни германскиот менаџер, цитиран од БТА.
„Работата за нас да откриеме како да се справиме со нашите проблеми се уште е во тек. Не можеме да кажеме дека се вративме на резултатите после еден натпревар. Ни треба постојаност. Не ми е грижа за краткорочните цели. Мора да бидеме добри, додека не станеме неверојатни“, додаде Клоп.
Тој го пофали колегата Микел Артета за работата што ја работи во Арсенал, но рече дека сака да му прави проблеми.
„Почит за работата на Микел. Тој работи навистина добра работа. Кога ви треба време, никој не сака да ви го даде. А тој има исклучително млад тим кој игра одличен фудбал“, заклучи Клоп.
