Утре во меч од 7.коло во ВМФЛ, тимот на Гостивар, еден од аспирантите за највисок пласман, на теренот во Г. Речица ќе ја пречека Беласица. Со оглед на формата и квалитетот на двата тима, јасно е дека Гостивар е фаворит. Сепак треба да се одигра, во фудбалот никогаш не треба да се помисли дека победникот однапред се знае.
За тоа што може да се очекува од овој меч, свој коментар има стратегот на гостиварци Октај Дерелиоглу:
“Во фудбалот фаворизирање на хартија е неважен дел. Секј тим кој ќе излезе на терен се бори за да победи. Изразот силен или слаб тим е само збор во фудбалот. Кој тим совршено ќе си ја одработи својата работа тој и ќе победи, тука нема некоја посебна филозофија. На утрешниот меч против Беласица сакаме да се држиме до тактичката дисциплина и да го напуштиме теренот со три бода на нашето конто, посакуваме нова победа“
заклучи стратегот на Гостивар.
