Екипата на Вест Хем со 3:1 го совлада Фулам во рамките на 10.коло на Премиер лигата. Тоа е само трета победа за „чеканите“ оваа сезона, додека Фулам го запиша четвртиот пораз.
Фулам поведе со голот на Переира во 5. минута, но домашните изедначија со голот на Боувен од пенал во 29. минута. Во второто полувреме Скамака донесе водство за Вест Хем, а победата ја запечати Антонио во 90. минута.
Со овој гол, Џанлука Скамака стигна до бројката шест во Премиер лигата и моментално тој е најефикасен италијански фудбалер во Европа. Дури ни во Серија А нема поефикасен од него. Чиро Имобиле е најблиску затоа што има пет гола, а Лацио својот меч ќе го игра во недела против Фиорентина.
А Кристал Палас славеше победа од 2:1 над Лидс. И тука имаше пресврт. Страјк погоди за водство на Лидс, но прво изедначи Едуард, а во второто полувреме Езе донесе победа за Палас.
