Кристијано Роналдо вечерва го постигна својот 700. клупски гол. На гостувањето кај Евертон, Португалецот повторно почна од клупата на Манчестер Ј. но доби шанса во 29. минута како замена за повредениот Марсијал, а во 44. минута погоди за предност на „ѓаволите“ од 2:1, со која се замина на полувреме.
Ова беше 144. гол на Португалецот за Манчестер Јунајтед во сите натпреварувања. 37-годишниот фудбалер има постигнато и 450 гола за Реал Мадрид , 101 за Јувентус и 5 за Спортинг.
