Новак Ѓоковиќ е победник на АТП турнирот во Астана, Казахстан. Тој денеска во финалето беше подобар од Стефанос Циципас со 2:0 по сетови 6:3, 6:4.
Србинот имаше контрола на мечот и резултатот цело време и во вистински момент направи брејк како во првиот така и во вториот сет.
Со овој триумф Ѓоковиќ дојде до 90. трофеј во својата професионална кариера, и уште еднаш потврди дека иако во моментов според бодовите на АТП листата е седми тенисер на светот, секако дека станува збор за најдобриот во моментов, а можеби и на сите времиња.
