Поради стартот на подготовките за пријателскиот меч со С.Арабија, натпреварите од 11.коло во ПМФЛ, кои се закажани за претстојниот викенд, ќе се играат ден порано.
Сепак главниот меч од ова коло, големото дерби меѓу Шкупи и Струга Трим Лум се игра во недела со почеток од 14 часот.
Останатите мечеви и тоа Македонија ЃП – Скопје, Победа – А. Пандев, Брегалница – Силекс и Работнички – Шкендија се играат во сабота исто со почеток во 14 часот.
Ова значи дека натпреварите од 8.коло во ВМФЛ место во сабота, како што е вообичаено, ќе се играат во недела.
