ПСЖ користел лажни профили на Твитер за да го критикува Килијан Мбапе, така се наведува во истрагата на „Медиапарт“. Парискиот клуб наводно спроведувал „валкани и сурови“ кампањи за оцрнување на новинарите, медиумите, клубовите и Килијан Мбапе.
Лажните профили почнале да го критикуваат напаѓачот во 2019 година, кога се појавија гласини за неговото заминување во Реал Мадрид. На пример, профилот @PanameSquad го повика Мбапе да „работи тивко“ кога Килијан објави дека сака да остане во тимот и покрај тоа што е елиминиран од Лигата на шампионите.
Од истата сметка, Мбапе беше критикуван дека рекол дека треба да преземе поголема одговорност. „Да можеше така да извршиш притисок на теренот“, се вели во една порака.
Се организирале и кампањи против одредени новинари, како и против девојка која го обвини Нејмар за силување. Сето ова беше организирано од агенцијата Digital Big Brother и надгледувано од одделот за комуникации на ПСЖ. Наводно биле користени цели „армии“ на лажни сметки.
Клубот ги негираше обвинувањата: „Клубот никогаш не склучил договори со агенцијата со цел да предизвика штета на поединци и институции“.
