Аргентинскиот плеј Факундо Кампацо (178 см, 31 година) се согласил да потпише договор со Далас Маверикс, информира „Марка“.
Кампацо ги помина претходните две сезони во Денвер, а минатата година имаше просек од 5,1 поен и 3,4 асистенции по натпревар.
Кошаркарот кој се прослави со одличните настапи во Европа, имаше понуди за враќање на Стариот континент, но сепак, решил да остане во НБА и трета сезона. Тој избрал да потпише 1-годишен договор со Далас вреден 2 милиони долари.
Кампацо добро го познава лидерот на Маверикс, Лука Дончиќ со кого играше заедно во Реал Мадрид.
