Вечерва во меч од 9.коло во Ла Лига, Рајо Валјекано на свој терен одигра 0:0 против тимот на Хетафе. Тоа беше меч на две екипи кои се во долниот дел на табелата. Столе Димитриевски се врати на голот на Рајо, имаше и неколку добри интервенции, посебно во првиот дел по ударот на Максимовиќ кога на чудесен начин го спаси својот гол.
Рајо имаше идеална шанса во 53.минута, но Трехо од белата точка не успеа да ја затресе мрежата на Хетафе. Интересно, ова за Трехо беше само втор промашен пенал во неговата кариера.
