Во недела во шпанската Ла Лига ќе се одигра „Ел Класико“, мега-дуелот меѓу Реал Мадрид и Барселона (16:15 часот). Минатата сезона на „Бернабеу“ Реал доживеа убедлив пораз од Барселона со 0:4, а за престојниот дуел, исто така на стадионот на „кралевите“, Анчелоти не планира да пробува нови работи.
„Нема што да измислувам. Фудбалот одамна е измислен. Нема што да се измислува.
Не планирам да пробувам ништо ново. Минатата сезона пробав и изгубивме“, се смее Анчелоти на прес-конференцијата пред утрешното Ел Класико.
„Минатиот меч не влијае на нас. Ова е нова сезона. Спремни сме за Ел класико. Цел свет ќе го гледа натпреварот и сакаме да оставиме добра слика и да победиме, за нас и за нашите навивачи. Мораме да бидеме сконцентрирани и да притискаме во текот на сите 90 минути. Тоа е единствениот начин да се победува и да се освојуваат титули“, изјави Анчелоти.
