Македонската ракометна репрезентација утринава во 8:45 часот преку Истанбул лета за Ван каде утре (16 часот) ќе ги одмери силите против Турција во рамките на второто квалификациско коло за пласман на Европското првенство 2024 година.
Селекторот, Кирил Лазаров за ова гостување поведе 17 ракометари. Од списокот отпаднаа Марко Митев, Марко Кизиќ и Петар Атанасијевиќ, како и Марко Стојаковиќ, кој пак се повреди на дуелот со Луксембург.
Во составот како што најави предводникот на нашиот нациоанлен тим ќе биде Дејан Манасков, кој веќе има напредок и тренирал со тимот, а на голманската позиција се враќа Мартин Томовски.
Нашите момци кај 17 часот треба да пристигнат во Ван, каде ќе ги чекаат полни трибини, домаќинот запиша пораз од Португалија, па ќе се обиде да приреди изненадување токму против Македонија.
За нас пак триумф на оваа средба ќе значи широко отврени порти кон ново големо натпреварување.
СОСТАВ МАКЕДОНИЈА
Гоце Георгиевски
Игор Ѓорѓиев
Ненад Костески
Цветан Кузманоски
Филип Кузмановски
Дејан Манасков
Никола Маркоски
Никола Митревски
Михајло Младеновиќ
Жарко Пешевски
Костадин Петров
Мартин Серафимов
Филип Талески
Мартин Томовски
Павле Атанасијевиќ
Томислав Јагуриновски
Иван Џонов
Eвропската ракометна федерација (ЕХФ) ги делегираше австриските судии Радојко Бркиќ и Андреј Јусуфхоџиќ.
