Дефанзивецот на Челзи се повреди на натпреварот против Милан во Лигата на шампионите пред неколку дена. Вчера беше подложен на детален преглед од специјалист кој потврдил дека повредата на коленото е сериозна. Добрата вест е што не е потребна операција, но закрепнувањето на десниот бек ќе трае околу 8 недели, соопштија од клубот.
„Трката со времето е во тек… Но, нема да се откажеме“, напиша Џејмс на социјалните мрежи.
Сепак, тој веројатно нема да влезе во тимот на Саутгејт за Светското првенство. Дури и ако неговата рехабилитација оди според планот, дефанзивецот ќе ја пропушти целата групна фаза и најрано може да биде во ред за нокаут фазата.
