Екипата на Еурофарм Пелистер одигра пријателска средба со репрезентацијата на Саудиска Арабија и славеше со 28:22 (13:11). Тренерот на битолската екипа Ларс Валтер настапи со комбиниран состав, без македонските репрезентативци, а им даде шанса на младите и неколку играчи од вториот тим притоа дебитираше и Себастијан Хененберг.
Саудијците се на подготовки во Скопје за настапот на Светското првенство во јануари, додека битолчани се припремаат за премиерниот настап во Европската лига на ЕХФ, на 25 октомври во „Боро Чурлевски“ против Архус.
