Нашата репрезентација, составена од играчи од ПМФЛ, продолжува со подготовките за саботниот пријателски дуел со С. Арабија во Абуд Даби. Се тренира вредно и напорно со цел в сабота со почеток од 16:30 часот да се одигра што подобро против репрезентацијата која ќе учествува на СП во Катар.
Дарко Велковски е еден од двајцата играчи кои играат надвор од ПМФЛ, и кој важи за незаменлив во А- репрезентацијата на Македонија. Со оглед на тоа дека тој игра во А. Арабија, логично беше да дојде во Абу Даби и да настапи на оваа средба.
„Околностите се поинакви од она што сме навикнати. Со дел од играчите првпат сме заедно, но факт е дека овде во Абу Даби се тренира вредно. Овој тест меч со С. Арабија ќе биде вистински предизвик. Очекувам да одговориме на предизвикот. Не се сомневам дека тактички ќе бидеме на ниво, стручниот штаб посветува големо внимание на тој дел нашата игра. Сметам дека ќе бидеме подготвени да одиграме добар натпревар“ истакна Велковски.
